اليوم طلب مني اخي الصغير اني حضرلو كيك يخذومعها لحفلة في المدرسة
فخترت احضرلو الكيك الاسفنجي هو سهل و صعب في نفس الوقت فقط يجب اتباع
المقادير المضبوطه و يكون البيض بدرجة حرارة الغرفة .
المقادير :
- 4 حبات بيض
- 100 غ سكر عادي
- رشة ملح
- 1 ملعقة فانيليا
- 150 غ فرينة
- 1 كيس خميرة كميائية
للتزيين :
- كريم شونتي
- فواكه حسب الرغبة
- عصير فواكه او سيرو لسقي الكيك
طريقة التحضير :
في اناء نضع البيض و السكر و رشة الملح ثم نخفق بواسطة الخفاقة الكهربائية
مدة 10 دقائق الى ان يبيض الخليط و يتضاعف حجمه ثم نضيف الفانيليا
جانبا ننخل الفرينة و الخميرة الكميائية 3 مرات في المنخل ثم نضيف الفرينة
لخليط البيض بواسطة ملعقة و نخلط بواسطة سباتولا قليلا قليلا مع لوي الخليط
يجب عدم المبالغة في الخلط و الا راح ينزل البيض و تخرب الكيكة.
ندهن صينية الكيك بقليل من الزبدة و نرشها بالفرينة كي لا تلتصق الكيكة بالصينية
و نفرغ خليط الكيك و ندخلها فرن مسخن مسبقا على درجة حرارة 160
و نتركها حتى تنضج الوقت يختلف من فرن الى اخرى انا نضجت في 12 دقيقة
حسب الفرن ممكن 15 الى 20 دقيقة مع مراقبة الفرن و ندخل سكين في الكيك اذا خرج
جاف يعني انها نضجت نخرجها من الفرن و نتركها تبرد قليلا ثم نخرجها من القالب
نقسمها على اثنان و نسقيها بعصير فواكه و نحشيها بالكريم شونتي و نغطيها بالنصف الاخر
ثم نطليها بكمية وفيرة من الكريمة و نسوي الجوانب و التزيين يكون حسب الرغبة
بالفواكه او الشكولا انا ضاعفت كمية الكيك عملت 2 كيكات و حدة بالفانيليا و و حدة بالشكولا
و عكست الطبقات وحدة شكولا و وحدة فاني عملت 4 طبقات و دهنت بين الطبقات بالكريمة
و غطيتها من فوق بالكريمة و على الجوانب رحيت حبوب الفطور بالشكولا و غطيت بيها الجوانب
و من فوق زينتها بالكيوي و التفاح و الجلى بالون الاخضر و دخلتها الثلاجة ليلة كاملة
و حضرت ايضا لاخي تشيز كيك اخذ الكيكتين في الصبح معه للمدرسة .
شهية طيبة .